តាមពិតម្ចាស់! បញ្ឆេះរថយន្តឲ្យកូនគេង ទើបលោកចោរលួចជិះគេច តែជិះរត់មិនរួច ទើបក្រុមលោកចោររត់យករួចខ្លួន

ភ្នំពេញ៖ ម្តាយទុកកូនគេងក្នុងរថយន្តដោយ បញ្ឆះ និង មានសោរជាប់រថ យន្តត្រូវចោរលួចទៅបាត់ទាំងកូន ម្ដាយស្រែកទ្រហោយំ និងដួលសន្លប់ជា ច្រើនដងផ្អើលសមត្ថកិច្ច ១២ ខណ្ឌ ក្រុងភ្នំពេញទាំងយប់ ។ ហេតុការណ៍ នេះបាន បង្កការភ្ញាក់ផ្អើលកាលពីវេលាម៉ោ ងប្រមាណជា៨យប់ ថ្ងៃទី១៤ ខែមិថុនា ឆ្នាំ២០១៩ ស្ថិតនៅផ្លូវ ១៤៣សង្កាត់អូរឡាំពិច ខណ្ឌចំការមន រាជធានីភ្នំពេញ ។

តាមប្រភពព័ត៌មានពីក្រុមគ្រួសារសាច់ញាតិរបស់ជនរងគ្រោះបានឲ្យដឹងថា នៅមុនពេលកើតហេតុ ស្ត្រីជាម្ដាយមានឈ្មោះ ពៅ បុប្ផាអាយុ ៣៨ឆ្នាំ និង ប្ដីឈ្មោះណុបពិសីអាយុ ៣៨ ឆ្នាំ បានជិះរថយន្តរថយន្តម៉ាក ហាយលែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ2S-4126 ពីផ្ទះមកលក់ដូរមានបុក ល្ហុងប្រហិតនៅផ្លូវកើតហេតុខាងលើ ដោយឃើញកូន តូចអាយុពីរខែ និង បងម្នាក់ទៀត អាយុ ១១ ឆ្នាំ រួវក៏បញ្ឆេះរថយន្តទុកកូនឲ្យដេកនៅក្នុងនោះ មួយសន្ទុះក្រោយមកមានលោកចោរ ចំនួន២នាក់ដើរក្រឡឹងរថយន្ត ២ ទៅ ៣ជុំ រួចធ្វើសកម្មភាពលួចរថយន្តទៅបាត់ ម្ដាយឪពុកភ័យស្លន់ស្លោទ្រហោយំ រាយការណ៍ទៅ សមត្ថកិច្ច ផ្អើលអាជ្ញាធរ មានសមត្ថកិច្ចទាំង ១២ខណ្ឌក្នុងរាជធានី ភ្នំពេញ ដេញស្ទាក់ចាប់បានរថយន្តចំណុចក្បាលថ្នល់ ចំណែកលោកចោរទាំង២នាក់បានរត់គេចយករួចខ្លួន ។

ប្រភពបានបន្តទៀតថា ក្រុមជនសង្ស័យបានធ្វើសកម្មភាពពីកន្លែងមួយទៅកន្លែងមួយដោយប្ដូរតៃកុងរថយន្តចំនួន៤លើកស្មើនឹង ៤នាក់ ។ បន្ទាប់ពីសមត្ថកិច្ចដេញស្ទាក់យក រថយន្តនិង កូនៗតូចពីរនាក់បងប្អូនបានមក វិញ ក៏បាននាំយករថយន្តនិងជនរងគ្រោះ ទៅអធិការដ្ឋានគរបាលខណ្ឌចំការមនដើម្បីធ្វើការសាកសួរនិងធ្វើការស្រាវជ្រាវស្វែង រកក្រុមលោកចោរយកមកផ្ដន្ទាទោសតាមផ្លូវច្បាប់ ៕