ក្រោយពីមានការសុំទោស ទោះធ្លាប់វៃរហូត១៣០ដង ថៃ ស្រីនាង សម្រេចចិត្តដកពាក្យបណ្តឹងវិញ

ភ្នំពេញ ៖ ថៃ ស្រីនាង អ្នកលក់ផលិតផលតាមអនឡាញ សម្រេច ចិត្តដកពាក្យបណ្តឹងវិញ ក្រោយមានការ សុំទោ សពីលោក ទឹម សាវុធ អនុប្រធានមន្ទីរកសិកម្ម រុក្ខាប្រមាញ់ និង នេសាទ រាជធានីភ្នំពេញ សុំទោសទោះធ្លាប់វៃចំនួន ១៣០ដងក៏ដោយ ។

នាង ថៃ ស្រីនាង សរសេរតាមបណ្តាញសង្គម Facebook មានខ្លឹមសារទាំងស្រុងថា “នាងខ្ញុំ សុំអភ័យទោសផង សម្រាប់រឿងរ៉ាវ កាលពីថ្ងៃទី៨ ខែកក្កដា ឆ្នាំ២០១៩  ដោយខ្ញុំខឹងច្រលោតពេក បានផុសរូប ក្នុងបណ្តាញសង្គម Facebook តែពេលនេះខ្ញុំបានសម្រេចដកពាក្យបណ្តឹងវិញហេីយ ព្រោះគាត់បានសុំទោស និងសន្យាថា ឈប់អោយមាន រឿងបែបនេះទៀតហេីយ ម្យ៉ាងទៀត ខ្ញុំមិនចង់អោយគាត់បាត់បង់ កិត្តិយស និងការងារទេ គាត់ជាមនុស្សល្អគ្រប់យ៉ាង គ្រាន់តែចរឹក ឆេវឆាវ និងប្រចណ្ឌ ខុសរឿងតែប៉ុណ្ណោះ សង្ឃឹមថាបងប្អូនក្នុង Facebook និងថ្នាក់ដឹកនាំ អធ្យាស្រ័យ និងអភ័យទោស អោយគាត់ ព្រមទាំងនាងខ្ញុំផងខ្ញុំទាំងពីរ បានស្រលាញ់គ្នា ពិតប្រាកដមែន មិនអាចបែកគ្នាបានទេ សូមបងប្អូន យល់អារម្មណ៍ ពួកខ្ញុំផងចុះ”