លេបថ្នាំហួសកម្រឹតប្រតិកម្មស្លាប់បាត់ រកតែជួយមិនទាន់ផង

ភ្នំពេញ៖ បុរសចំណាស់ម្នាក់ ខណៈដែលខ្លួនបានជម្ងឺប្រចាំកាយ ទិញថ្នាំផ្សំមកហូប ក៏ប៉ុន្តែសុខភាពកម្លាំងកំពុងចុះខ្សោយផងបែជាប្រតិកម្មថ្នាំ គាំងបេះដូងស្លាប់បាត់ ដោយមិនអស់ចិត្ត ក្រុមគ្រួសារហៅក្រុមសង្រ្គោះ ទៅពិនិត្យ ជាក់ស្តែង បានស្លាប់បាត់ទៅហើយ បង្កឲ្យភ្ញាក់ផ្អើលកាលពីវេលាម៉ោង៣រសៀល ថ្ងៃទី១៥ ខែវិច្ឆិកា ឆ្នាំ២០១៨ ស្ថិតនៅបុរីសន្តិភាព២ ភូមិតំណាក់ត្រយឹង សង្កាត់ចោមចៅ២ ខណ្ឌពោធិសែនជ័យ ។

ជនរងគ្រោះ មានឈ្មោះ ព្រំ ឋាន ហៅ សួគ៌ ឋាន ភេទប្រុស អាយុ៥០ឆ្នាំ មានជម្ងឺប្រចាំកាយស្រាប់ «លើសឈាម» មានទីលំនៅផ្ទះកើតហេតុ មានស្រុកកំណើត ភូមិ ព្រៃភ្នៀត ឃុំសំឡី ស្រុកកំពង់រោទ៍ ខេត្តស្វាយរៀង ។

តាមក្រុមគ្រួសារបានឲ្យដឹងថា ជនរងគ្រោះ ជាបុរសពោះម៉ាយ មានជម្ងឺប្រចាំកាយ លើសឈាម មើលពុំជា ច្រើនខែ ឆ្នាំ មកហើយ ប្រើប្រាស់ថ្នាំជាប្រចាំ ស្រាប់តែនៅវេលាម៉ោង២ រសៀលថ្ងៃទី១៥ ខែវិច្ឆិកា នេះអាការៈជម្ងឺរើធ្វើទុក្ខឡើង ជនរងគ្រោះបានទិញផ្សំថ្នាំមកហូប លុះមួយម៉ោងក្រោយ បែជាប្រតិកម្មថ្នាំ រឹងដៃ ជើង ក្រុមគ្រួសារ ជួយមិនទាន់ គាំងបេះដូងស្លាប់បាត់ ដោយមិនអស់ចិត្ត ពលរដ្ឋ ក្បែរខាង ក្រុមគ្រួសារ ហៅក្រុមសង្រ្គោះ ឲ្យជួយទៅពិនិត្យ បន្ថែម ជាក់ស្តែង ជនរងគ្រោះបានស្លាប់បាត់ទៅហើយ ។

ក្រោយពីជនរងគ្រោះស្លាប់ ដោយសារបរតិកមកមថ្នាំ សាច់ញាតិរាយការណ៍ប្រាប់ អាជ្ញាធរ សមត្ថកិច្ច ចុះទៅពិនិត្យ និងសុំឲ្យជួយ សម្រួលបញ្ជាក់ លិខិតមរណៈភាព ដើម្បីធ្វើបុណ្យទៅតាមប្រពៃណី ៕