កាំកុងត្រូល​ខេត្តស្វាយរៀង ដកហូត​អាហារ​ខូចគុណភាព​ជាង​២០​គីឡូក្រាម ពី​អាជីវករ​ផ្សារ​វាល​យន្ត

​ស្វាយរៀង​៖ សាខា​កាំកុងត្រូល​ខេត្តស្វាយរៀង កាលពី​ថ្ងៃទី​០៧ ខែសីហា ឆ្នាំ​២០១៨ បាន​សហការ​ជាមួយ​មន្ទីរ​ពាណិជ្ជកម្ម​ខេត្ត ចុះ​អង្កេត​ផ្សារ​វាល​យន្ត ស្រុក​ស្វាយរៀង រកឃើញ​អាហារ​ខូចគុណភាព ចំនួន​ជាង​២០​គីឡូក្រាម​។​

​បើតាម​មន្ត្រី​កាំកុងត្រូល បាន​ឲ្យ​ដឹងថា មន្ត្រី​ជំនាញ​បាន​បាន​ចុះ​អង្កេត​ទីផ្សារ នៅ​ផ្សារ​វាល​យន្ត ស្ថិត​ក្នុងស្រុក​ស្វាយរៀង លទ្ធផល​ដកហូត​អាហារ​ខូចគុណភាព​មានដូចជា​៖ ប្រហិត​ត្រី​ចំនួន ១១ គ​.​ក​. តៅហ៊ូ​ចំនួន ៨.៧០ គ​.​ក​. យី​ហ៊ឺ និង​បង្គា ចំនួន ១ គ​.​ក យកមក​រក្សាទុក​ដើម្បី​ធ្វើ​ការដុត​កំទេចចោល​នៅពេល​ក្រោយ​៕