ស្លាប់​រាល់​ថ្ងៃ ! រថយន្ដ​​បុកជា​មួយ​ម៉ូតូបណ្ដាលឲ្យ បុរស​ម្នាក់​ស្លាប់​បាត់​បង់​ជីវិត

ស្រុក​ពញា​ឮ៖ រថយន្ត​ដឹក​ទំនិញ​ធុន​ធំ​បុក ម៉ូតូ​ម៉ាក​Honda dreamC125 បណ្ដាល​​ឲ្យ​បុរ​ស​​ម្នាក់​​ស្លាប់​​ភ្លាម​ៗ​​នៅ​​និង​​កន្លែង​​កើត​​ហេតុ​ យ៉ាង​​អាណោច​​អាធម៌​​ ហេតុ​ការណ៍​នេះ​កើត​ឡើង​កាល​ពី​ថ្ងៃ​ទី​២៨​.០៧.​២០១៧​វេលា​ម៉ោង​១៨.​០០​នាទី​លើ​កំណាត់​ផ្លូវ​ជាតិ​លេខ​5​ត្រង់​គីឡូ​ម៉ែត្រ​លេខ​33​-34​ស្ថិត​ក្នុង​ភូមិ​ពោធិ​តូច ឃុំ​​កំពង់​​ហ្លួង ស្រុក​ពញាឮ ខេត្ត​កណ្ដាល ។

ជន​រង​គ្រោះ​មាន​ឈ្មោះ នឿន សុភឿន ភេទ​ប្រុស អាយុ​៣៧​ឆ្នាំ ទី​លំ​នៅ​ភូមិ ធ្លក​វៀន ឃុំ​ធ្លកវៀន ស្រុកសាមគ្គីមានជយ័ ខេត្ត​កំពង់​ឆ្នាំង ។ ចំណែក​អ្នក​បើក​បរ​រថយន្ដ​វិញ​ចុះ​ពីរ​ថយន្ដ​គេច​ខ្លួន​បាត់​ស្រមោល ។

មុនពេល​កើត​ហេតុ​គេ​ឃើញ​មាន​រថយន្ត​១​គ្រឿង​ម៉ាក​HYUNDAI ពណ៌​ស ពាក់​ស្លាក​លេខ​កំពត​3A​-03​09 បើក​បរ​ក្នុង​ទិស​ដៅ​ពី​ជើង​ទៅ​ត្បូង លុះ​មក​ដល់​កន្លែង​កើត​ហេតុ​ចំណុច កណ្តាល​ទ្រូង​ថ្នល់​ក៏​បុក​ជា​មួយ​ម៉ូតូ​ម៉ាក​Honda dream C125 ពណ៌​ខ្មៅ ពាក់​ស្លាក​លេខ ភ្នំពេញ​1AI-​14​80​ដែល​កំពង់​បើក​បរ​ក្នុង​ទិស​ដៅ​ពី​ត្បូង​ទៅ​ជើង​បណ្ដាល​ឲ្យ​ស្លាប់​នៅ​កន្លែង​កើត​ហេតុ ។

ក្រោយ​ពេល​កើត​ហេតុ​សមត្ថកិច្ច​បាន​ចុះ​មក​ធ្វើការ​វាស់​វែង​និង​អូស​ម៉ូតូ​រួម​ទាំង​រថយន្ដ​ទៅ​រក្សា​ទុក​នៅ​អធិការ​ដ្ឋាន​ស្រុក រង​​ចាំ​ដោះ​ស្រាយ​​ពេល​ក្រោយ ដោយ​ឡែក​សព​ត្រូវ​បាន​សមត្ថ​កិច្ច​ប្រគល់​ឲ្យ​ក្រុម​គ្រួសារ​យក​ទៅ​ធ្វើ​បុណ្យ​តាម​ប្រពៃណី ៕