ខំចែកផ្លូវគ្នាដើររក ក៏ប្រទះឃើញបែបនេះ, មូលហេតុ…
ខេត្តពោធិ៍សាត់៖ ហេតុការណ៍បង្កការភ្ញាក់ផ្អើលមួយបានកើតឡើង ខណៈពេលដែលសាកសពបុរសម្នាក់ត្រូវបានកូនដើររកឃើញចងព្យួរកនឹងដើមឈើខាងត្បូងផ្ទះ ដោយសង្ស័យថាអាក់អន់ចិត្តនឹងខ្លួនឯងមានជំងឺច្រើនពេករាប់មិនអស់ ទើបធ្វើអត្តឃាតបែបនេះ កាលពីវេលាម៉ោង៩ និង៣០នាទីព្រឹក ថ្ងៃទី១១ ខែមិថុនា ឆ្នាំ២០១៧ ត្រង់ចំណុចដើមឈើកណ្ដោលខាងត្បូងផ្ទះចម្ងាយប្រមាណ ៣០០ម៉ែត្រ ស្ថិតក្នុងភូមិជ័រម្គាន ឃុំត្នោតជុំ ស្រុកក្រគរ ខេត្តពោធិ៍សាត់។
បើតាមប្រភពព័ត៌មានពីសមត្ថកិច្ចនគរបាលស្រុកក្រគរបានឲ្យដឹងថា ជនរងគ្រោះឈ្មោះ ឡេង ចន ហៅ ចឹម ភេទប្រុស អាយុ ៥៣ឆ្នាំ សញ្ជាតិខ្មែរ បច្ចុប្បន្ន មានទីលំនៅក្នុងភូមិ.ឃុំកើតហេតុខាងលើ ហើយជនរងគ្រោះមានប្រពន្ធ និងកូនប្រុសស្រីចំនួន ៥នាក់។
ប្រភពខាងលើបន្តថា ជនរងគ្រោះមានជំងឺប្រចាំកាយរ៉ាំរ៉ៃយូរហើយ ម្យ៉ាងទៀតគាត់ក៏ជាមនុស្សម្នាក់ដែលចូលចិត្តហូបស្រាផងដែរ ហើយមុនកើតហេតុក្រុមគ្រួសារបានបាត់គាត់តែនាំគ្នាដើររកមិនឃើញ លុះនៅម៉ោងខាងលើបានចែកផ្លូវគ្នាដើររក ក៏ប្រទះឃើញបែបនេះ ដោយគាត់យកខ្សែនីឡុងចងព្យួរ.ក ទៅនឹងដើមឈើ (កណ្ដោល) ស្លាប់យ៉ាងអាណោចអាធ័ម។
ប្រភពដដែលខាងលើបន្តទៀតថា ក្រោយកើតហេតុ និងទទួលព័ត៌មានសមត្ថកិច្ចនគរបាល បានសហការគ្នាចុះដល់កន្លែងកើតហេតុ ដើម្បីធ្វើការពិនិត្យយ៉ាងយកចិត្តទុកដាក់ខ្ពស់ លទ្ធផល៖ ឃើញថាពុំមានស្លាកស្នាមអ្វីជាប់ពាក់ព័ន្ធទៅនឹងករណីឃាតកម្មនោះទេ ទើបធ្វើកំណត់ហេតុប្រគល់សាកសពជូនក្រុមគ្រួសារ ដើម្បីយកទៅចាត់ចែងធ្វើបុណ្យតាមប្រពៃណី៕
Related Posts
-
លោកអភិបាលខណ្ឌដង្កោមិនចុះត្រួតពិនិត្យផង ហើយលើកស្លាកយីហោមុខសាលាខណ្ឌថា«ខណ្ឌដង្កោជ័យលាភីទីក្រុងស្អាត»
-
គួរឲ្យអាណិតណាស់! ក្មេងប្រុសអាយុ២ឆ្នាំម្នាក់ លង់ទឹកស្រះស្លាប់
-
សម្ដេច តេជោ ហ៊ុន សែន បញ្ជាឲ្យតាមចាប់ខ្លួនអ្នកបង្ហោះព័ត៌មានបំផ្លើស និងប្រមាថជីវិតសម្ដេច នៅលើហ្វេសប៊ុក
-
បង្គោលភ្លើងនៅកណ្តាលទ្រូងផ្លវមិនដឹងថា ជាកំហុសតៃកុងឡាន ឫក៏ជាកំហុសក្រសួងសាធារណៈការនោះទេ ?